Vani Guitar boy Sahil ko dekh rahi hai, Sahil ek pal ke liye Hairan ho gya tha, Aur ab wo Vani ko Smile kar ke dekh rha hai. Vani khud ko sambhalti hui khadi ho jati hai,
"Tum yahan....?,Laga nahi tha kabhi yese milege?" Sahil Vani se kehta hai.
"Sorry mujhe bhi yesi koi umeed nahi thi" Vani keh kr palat ke jane lagti hai,
Sahil Vani ka rasta rokta hai, " Are are... Maine tumhe girne se bachaya hai... Atleast thanks to kaho.... Kiya tumhe kisi ne sikhaya nahi hai ke... Jab koi tumhe bchata hai to... Uska shukriya ada karte hai.... har jagha se tum yse hi bhagti kyun rehti ho...?"
Vani gheri saans leti hai, aur kehti hai," thank you..... Aur tum hi kyun har jagha mujhse takra jate ho...?"
"ye hi to baat hai.... Upar wala bhi hume Milana chahata hai... Isi ko to luck kehte hai, Tum mujhe Country A me mili thi... Aur aaj itni Dur.... Bhi mil gai...." Sahil smile kar ke.
Vani use gussel ankho se niharti hai, aur piche mud ke jaane lagti hai.
Sahil use dekh kar halki si hansi deta hai.
Sahil:
"Are kha ja Rahi ho…? Rukoo..."
Vani kuch nahi bolti.
Usi waqt uski nazar hall ke dusre kone par padti hai.
Ruhaan wahan Bella ke saath khada tha.Bella usse kuch keh kar has rahi thi.
Vani ek pal ke liye bilkul chup ho jati hai.Uski aankhen bas Ruhaan par tik jati hain.
Sahil ye notice kar leta hai.Wo Vani ki nazar follow karta hai aur Ruhaan aur Bella ko dekh leta hai.
Sahil (halki muskaan ke saath):
"Wo… tumhara husband hai na?"
Vani turant apni nazar hata leti hai.
Sahil phir Ruhaan aur Bella ki taraf dekhta hai.
Sahil:
"Lekin ye dusri ladki ke saath kya kar raha hai?"
Vani ki aankhon me ek pal ke liye dard sa ubhar aata hai.
Vani (thoda gusse me):
"Ye tumhara matter nahi hai."
Sahil thoda serious ho jata hai.
"Main bas sach keh raha hoon."
Vani ab aur kuch nahi bolti.Wo palat kar wahan se chal deti hai.Sahil use jaate hue dekhta hai.
Sahil:
"Ruk jao."
Wo jaldi se uske piche chal padta hai.Hall ke dusre kone se Ruhaan ye sab dekh raha tha.Uski nazar seedha Sahil par tik jati hai jo Vani ke piche ja raha tha.Ruhaan ka chehra sakht ho jata hai.Bella kuch keh rahi hoti hai lekin Ruhaan uski baat sun hi nahi raha.Uski nazar bas Vani aur Sahil par thi.Agle hi pal Ruhaan tez kadam se unki taraf badhta hai.
Sahil Vani ke paas pahunch kar kehta hai,
"Vani… ruk jao. Main sirf—"
Uski baat puri hone se pehle ek sakht awaaz aati hai.
"Uske piche kyun aa rahe ho tum?"
Sahil palat kar dekhta hai.Ruhaan wahan khada tha.Uski aankhon me seedha gussa tha.
Sahil:
"Oh… Mr. Husband."
Ruhaan (thandi awaaz me):
"Usse dur raho."
Sahil halka sa muskura deta hai.
Sahil:
"Warna?"
Ruhaan ka sabr khatam ho jata hai.
Wo aage badh kar Sahil ka collar pakad leta hai.
Party me khade log unki taraf dekhne lagte hain.
Ruhaan (gusse me):
"Samajh nahi aata kya? Maine kaha usse dur raho."
Vani ghabra kar beech me aati hai.
Vani:
"Ruhaan… please chhod do usse."
Sahil collar pakde hone ke bawajood calm rehta hai.
" tumhe itni problem kyun ho rahi hai?, Tum kisi aur ladki se bat kar sakte ho... Main nahi kar sakta kiya?"
Ruhaan (teeth clenched):
"Main ek baar keh raha hoon… usse dur raho."
Sahil:
"Kyuki wo tumhari wife hai… ya kyuki tumhe darr hai wo kisi aur se baat kare?"
Ruhan bhadak jata hai, Aur Sahil ke muh pe zor se punch karta hai, Jisse Sahil ke lower Lips pe cut lag jata hai, isi bich dono me Fight start ho jati hai.
Vani muh pe hath rakh k hairani se dekh kr un dono ko ladne se rokne lagti hai" Please ruk jao dono... Please..."
Tabhi hall ke entrance se ek aurat andar aati hai.Wo kuch kadam chalti hai… phir achanak ruk jati hai.
Uski nazar Ruhaan Sahil par padti hai. Jo ek dusre se fight kar rahe the.
"Sahil....." Wo lady Zor se awaz lgati hui sahil ki taraf Dudh lgati hai.
Ruhaan bhi us taraf dekhta hai.Uske chehre ka rang ek pal me ud jata hai.Uske haath dheere se Sahil ke collar se chhoot jate hain.
Wo lady Aake Sahil ko sahara de kar "Sahil beta... Kiya tum thik ho...?" Sahil k lower Lips ka blood saf karte huye. Gusse se uth kar Ruhaan se kehti hai
"tumhe sharam nahi aati,yese kon maarta hai...?, akhir tum mere bete ko maar kyun rahe the? Kon ho tum?"
Ruhaan Bas hairani se dekhta reh jata hai, Tabhi Vani uske pas aake khadi ho jati hai.
Ruhaan (bahut dheemi awaaz me):
"...Mom…?"
Vani hairani se uski taraf dekhti hai.Sahil confused ho kar dono ko dekh raha tha.
Ruhaan bilkul khamosh khada tha.Uska gussa sadme me badal raha tha.uske per dag-magane lage.
"Tum theek ho?!" Vani hairan preshan hoke Ruhaan ki aur dekhti hui.
iss pal Bella wahan aake Vani ko Ruhaan se side kar ke, uska hath pakdte huye,
" Ruhaan Are you ok...? Tumhe kahi chot to nahi lagi
Vani wahi Sahami Ruk jati hai apne aap ko kadam aage badhane se rok leti hai.
Ruhaan dheere se Vani ki taraf dekhta hai.Uski aankhon me ajeeb sa dard tha.Wo kuch nahi bolta.
Bas mudta hai… aur hall se bahar chala jata hai.
Vani:
"Ruhaan… ruk jao!" Vani Ruhaan k piche bhagti hai.
Bella bhi Rihaan ko rokti hai " Ruhaan kaha Jaa rahe ho"
Lekin Ruhaan rukta nahi.Parking me ja kar car start karta hai.Aur car tez speed me party se nikal jati hai.
Vani bhagti hui Ruhaan k piche piche aati hai par Ruhaan uske samne se car Chalata hua nikal jata hai aur Vani wahi khadi reh jati hai.
Idhar party me Sahil Aur Uski mom,Mr. Jacob se
"yeh sab kiya hai? kis tarah ke logo ko apne Invite kiya hua?, Mr. Jacob "
"Mom.... Please ruk jaiye... Mujhe kuch nahi hua isme Mr.Jacob ki koi galti nahi thi" Sahil kehta hua uski nazar Vani ko talash rahi hai.
"sorry, Mrs. Singhania... Main Ruhaan ki taraf se mafi mangta hu,Ruhaan ek samjhdar Ladka hai, Aaj Tak Usne kahi yesa nahi kiya hai, Zarur koi misunderstanding Hui hogi" Mr.Jacob
Mrs. Shighania ke Ruhaan ka Nam sunte hi Hosh udh gaye
"Ruhaan.....?!"