Ek chhota sa ghar tha, jahan Mom aur Dad apni poori duniya basaye hue the.
Dad subah jaldi uth kar kaam par chale jaate the. Unke chehre par thakaan hoti thi, par aankhon mein sirf ek sapna – "mere bachche khush rahein."
Mom poora din ghar sambhalti, kabhi kitchen mein, kabhi kapdon ke beech, aur kabhi hamare homework ke saath. Wo aksar kehti thi,
"Bas tum padh lo, baaki sab hum dekh lenge."
Kabhi kabhi Mom aur Dad mein chhoti si ladai bhi ho jaati thi,
par raat ko jab hum so jaate,
Dad chupke se Mom ke liye chai bana laate
aur Mom muskura kar keh deti,
"Rehne do, thak gaye ho."
Time beet ta gaya…
Hum bade ho gaye,
aur Mom–Dad dheere dheere thakne lage.
Aaj jab Dad chup chaap kursi par baithe rehte hain
aur Mom har baat pe pehle jaise daant'ti nahi,
tab samajh aata hai…
Jo log kabhi hamare liye jeete the,
aaj unhe sirf thoda sa waqt, pyaar aur respect chahiye.
Mom aur Dad sirf rishte nahi hote,
wo dua hote hain, jo bina bole hamesha saath rehti hai. ❤️