Chapter 1
Raat ka waqt tha.
Anya bed par leti hui thi,phone kaan se lagaye.
"Tu janti hai aaj college me kya hua?"
Uski awaz me abhi bhi gussa tha.
Udhar se uski friend chupchap sun rhi thi.
"College khatam hone ke baad jab mai bahar nikal rhi thi na,tab maine dekha-ek ladka meri classmate ko pareshan kar rha tha,"Anya bolti gayi."
"Mujhse dekha nhi gya.....mai seedha waha chali gayi."
Flashback jaise uske aankhon ke saamne aa gyaa h
College gate ke paas kaafi log the, par koi kuchh keh nahi rha thaa
Anya ne himmat jod kar kha,
Use preshan kyu kar rahe ho?use chhhoro,tumhare pas tameez nahi hai kya?
Mohit pahle hansa...fir uski Anya par nazar gayi,
Ohhh.... sweetheart tumhe bura lag rha hai,tum kehti ho to chhor deta hu,
Tum aa jao mere pass.
Itna kahte hi Mohit hasne laga,
Anya ka sabr ab Tut chuka tha.
Anya ne Mohit ka collar pakra or khinch kar ek thappad lagaya.
Pal bhar ke liye jagah puri tarike se shant ho gayi.
Fir us jagah par halchal mach gayi,
Koi udhar se kehta (ab pta nahi kya hoga?)
To koi kehta(iska bara bhai to sabse bara badmash hai..)
Idhr udhar sb jagah bas sab yahi kah rhe the.....
Mohit use ab bari bari laal aankho se use dekh rha tha
Ab uski ankhon me gussa nhi- badla tha.
"Tume galat aadmi par haath uthaya hai".
Uski awaaz dheemi par zahreeli thi,
"Is shehar mein har chij ki keemat chukani padti hai".
Anya ka seena ekdam jor uth-baith kar rha tha,
Par vah piche nahi hati.
Mohit ne gusse me uspe hath utha ki koshish ki tab hi ek lrke ne uska pakar liya,
"Bass...
Ek awaaz...
Jo unchi nahi thi .
Par itni bhari thi ki jagah jam si gyi
Logon ki saansein ruk gyi.
Uske chehre par koi emotion nhi tha,
Sirf control.
Aankhe sunhari sher Jaisi,hoth gulab jaise gulabi,
Usne shant swar me kaha,
"Hath uthana asaan hota hai".
"Par uske baad jo hota hai...
Wo sab smbhal nahi pate ".
Itna sunte hi Mohit hasne laga,
Phir uski hansi kamzor pad gayi..
"Pahle wali dushmani bhool gya kya"?
Mohit ne ye kah kar baat ko palatni chahi,
"Jo is ladki ke liye phir se yaad dila Raha hai?"
Grip thori or tight hui.
"Tu shayad bhool Raha hai,"
Ladke ki awaaz bilkul thandi ho gyi,
"Pichle baar ka anjaam."
Bas wahi tha.
Koi dhamki nahi...
Par yaadein kaafi hoti hai.
Agle hi pal Mohit ne hath chhuda liya.
Or vo piche mud kar Anya se kahne laga,
"Ye kahani yahi khatm nhi hui hai".
Aur wo chala gya.
Silence.
Ladka Anya ki taraf muda,
"Kya tum theek ho?"
Anya ne gehri saans li..
"Haa....mai theek hu."
Us ladke ne aas-paas khare logon par nazar daali,
Or log bina kuchh bole dheere dheere waha se hat gye.
"Achchha laga".
Usne kaha
"Tumhara galat ke khilaaf khara hona".
Tumhaaraa naam?
Anya ne ek pal socha,
Mera naam "Anya" hai.or tumahara?
"Ankush"
Fir halka sa pause.
"Ankush rathore".
Anya ne Ankush se kaha,
Thankyou mai tumhara yeh Ehsaan kabhi nhi bhulungi,agar aaj tum na hote to fir pta nhi kya hota?
Ankush muskurata hai...
Fir Anya kehti hai,
Mujhe ab jana chahiye. Thik hai bye.
Anya jaane lagti hai.
Tab hi...
Ankush use rokta hai,
Or kuch aisa kehta hai ki Anya whi par tham jati hai,
Pichhe mud kar,
"Vah Ankush ko hairani se dekhne lagti hai."
Use kya pata tha,ye mulakat yahi khatam nhi hone wali.
Aap kya sochte ho? Ankush ne kya kaha hoga Anya se.
Comment me jrur batana.👇🏻