Kabhi kabhi zindagi me alag tarah ke khayaal aate hai alag mod aate hai kabhi un khayaalon me kho jaanne ka man karta hai jinhe ham sapna kahte hai zindagi Boht saare lamhe dikhaati hai kuch me khushi hoti hai or jyadatar dukh ke panne hote hai .
Kabhi akele baitho or yaad aaye ki kitne dukh jhele hai to un khushi bhare dino ko bhi yaad karna jinko tumne jiya hai . Par tum dukh ke saaye me unhe bhul gaye .
Zindagi me sach batau to jiska bhi dukh puchne jaao apna dukh unke aage hamesha chota hi lagta hai jeena jaruri hai chahe kise bhi jee paa rahe ho .
Jab us zindagi ki ahmiyat samajh me aati hai to lagta hai kuch Boht jaruri hmne apne ateet me chord Diya hai or apna bhavishya ham un beete huwe samay se compare karte hue pachtaawey me bitaane lagte hai .
Zindagi ki keemat jyada hai kisi dubtey huwe ship me sawaar logo se ek ek pal ki keemat puchoge to takleef milegi or kuch nahi .
Kabhi kabhi zindagi se jyada jaruri koi or insaan lagne lagta hai saaso se jyada jaruri or bhuk pyaas uske aage kuch nahi lagti . Jisko seedhi taur par pyaar kahte hai . Par zindagi jeene ke liye sach me pyaar ki jarurat hai ?
Ye mera bas ek sawaal hai . Ek khayaal jo mere mnn me aksar aata hai . Jiya hai Boht lekin kya ho jab ye hi paar dhokha de jaay . Jiske liye tum khud ko bhul jaate ho wo hi tumhe bhul jaaye to tum kya kahoge ki tumhari zindagi bekaar hai ya kismat kharab hai ?
Ham insaan hamesha har ek cheej ke liye apni kismat ko kostey rahte hai . Kuch bura hua to kismat kharab hai ya kuch bhi Maan lo Aisa aksar hi to hota hai . Par socho to jara kabhi aisa socha hai ki maine acha kiya hai to mere sath acha hona hi chahiye. Ya Aisa kuch ki " aaj kuch acha nahi hua to kya kal ek naya savera aayega " .
Aisa sochne wale Boht kam log is duniya me hotey hai ya shaayad nahi hote honge . Pata nahi ..! Hotey to cheejein asaan ho jaati .
Khair kabhi tum baitho akele or kuch karne ka man na kare ya lage ki tum galat raaste par ho to bas aakhe band kar ke sochna tab jab tumhare zindagi ki pehli baat tumhe yaad ho . Tumhare zindagi ka pehla chehra jo tumne dekha ko jise tumhe dekh ke khushi hui ho wahi sab achi yaadein tum yaad karna .. tab tak jab tak tumhara bura man bure khayaal khatam na ho jaaye.
Hamesha maine yahi btaane ki koshish ki hai ki haar mat maano . Ek baar me kuch na kar sako to dheere dheere sab karo . Kuch cheejein wakt ke sath nikharti hai to use wakt do or tum apne man ke kiye sukoon ki talash karna jaari rakho .
Mai sukoon dhundh rahi hu in shabdo ke sarovar me or likh rahi hu jo bhi mera man mujhse kh raha hai ek baar likhe hue panne ko dobara padhkar mujhe hamesha dukh hi milta hai isiliye jo likh liya hai uspar pachtaava mai nahi karti ..... Or tum bhi mat karna ... "Jo ho gaya uske baare me kabhi mat sochna ek pahle se likhe huwe panne ki tarah wo bhi useless hai" dhundho ek naya panna ek nayi Pehchaan . Or aage badho . Hamesha dusro ki sunne se acha hota hai ek baar apne mnn ki suno or wo karo jisme tum khud ko pehchaan sako .....
..... Ritu