Main ghar ki sabse choti ladki hoon. Log kehte hain choti beti sabki laadli hoti hai… par mere ghar me shayad rule thoda alag tha.
Mummy, Papa, aur mere do bade bhai. Ghar me jab bhi koi kaam hota hai, awaaz aati hai "Tum kar do." Agar main mana kar doon ya thoda late ho jaun, toh turant sunne ko milta hai, "Itna sa kaam bhi nahi hota tumse?" Dheere dheere maine mana karna hi chhod diya.
Kabhi kabhi mujhe lagta hai main insaan kam, zimmedari zyada hoon.
Agar mujhe kuch chahiye hota hai naya phone, kahin bahar jana, kisi function me jaana jawab almost fix hota hai, "Nahi." Reason kabhi clear nahi hota. Bas nahi matlab nahi.
College bhi maine apni marzi ka nahi liya. Mujhe ek aur field pasand thi, par ghar walon ne kaha, "Isme future nahi hai." Aur maine chup chaap haan kar di.
Mere dost bhi zyada din tak mere dost nahi rehte. Ya toh ghar wale unse milne nahi dete, ya itna doubt karte hain ki dheere dheere dosti khud hi khatam ho jaati hai.
Kabhi kabhi raat ko main sochti hoon… agar main ghar ki sabse choti na hoti, toh kya meri life alag hoti?
Par mujhe nahi pata tha… ek din sab kuch badalne wala hai