Ye story meri zindagi ki real story h .
Jisme mere family vale mujhe us age me caste freq sikha rehe the jis age me "bacchon ko sirf khilone aur dosto se matlab hota hai, mujhe un logon se door rehna sikhaya gya jo hmari 'caste' ke nhi the" .
Lekin kehte hain na ki Dil vehi krta hai jise duniya mana krti h .Meri Zindagi me bhi aisa mod aaya jab meri mulaqat Anita se hui .
Wo bilkul waise hi thi jaise gharwale mana karte the, par uska saath mujhe sacha laga.
Jab me padose me khel rehi thi tab Anita se meri pehli mulaqaat hui
Vo sheher me apne bhaiya bhabhi ke sath rehti thi, par halat usey gaon me le aaye .Jab pta chala uska admission bhi mere hi school me hua h, to meri Khushi ka to thikana hi nhi raha .
Mujhe tab tak ye pta nahi tha ki vo kis caste ki thi , aur sach kahoon to mujhe fraq bhi nhi padta tha, mujhe to bas ek sachi saheli mil gayi thi.
School ka Anita ka pehla Din
morning - school ke pehle din tha . Jab Anita class ke darwaje par khadi thi , vo thodi nervous lag rehi thi , thodi dari hui bhi thi bar bar me apni dress ko theek kr rehi thi , uski aankhe niche jhukhi hui thi jaise hi vo aage badi Maine muskrakar uska hath pakad or apne pass vali seat per usay bitha diya , humne bahut sari baate ki .
Lunch time me humne tiffin share Kiya , vehi se humari dosti ki suruaat ho gyi.
School me hum dono sath me hi baitha krte the. Dhire dhire hum dono ek dusre se bahut ghul mil gye , uske aalava mujhe kisi aur se jyada baate Krna pasand hi nahi tha, ghar ki har baat share krte the, personal life ki puri baatein share krte the.
Yeha tak ki hum dono T.V. serials ki bhi story ek dusre ko btaya krte the .
Ghar ka vo Hadsa
Ek din ki baat h humare Ghar pe chotti kanyaon ko khana khilaya ja reha tha .
Mene Anita se kaha ki tum aaj humare Ghar chalo , Tum bhi humare sath khana khana.
Vo Khushi - khushi mere sath mere Ghar aa gyi . Uske masoom chehre per ek alag hi chamak thi .
Maine mummy se jaakar kaha ki ' mummy mei Anita ko bhi khana khilane ke liye layi hoon'.
Tab meri dadi maa ne meri taraf bahut gusse se dekha , us waqt mujhe kuch samajh nhi aaya ki dadi maa aise kyu dekh rehi h mein kuch galati kar di kya, mujhe bahut dar lag reha tha ,lekin us waqt unhone mujhe kuch nahi kaha .
Lekin jaise hi mene Anita ke liye steel ki plate le jane lagi , tabhi dadi ne toke diya. Dadi ne kadak aawaz me pucha ye kiske liye le ja rehi h mene masoomiyat se kaha Anita ke liye aise bolte hi dadi ne jhatke se mere se plate cheen li aur mujhe side me betha diya , dadi ka gussa itna jayada tha ki meri kuch himmat hi nhi hui bolne ki unse . uske baad dadi ne mummy ko paper ki pattal di aur Anita ko dene ke liye bola .
Ek chubhta hua sannata
Mujhe us waqt ek hi baat dimaag me aayi ki sabko - Steel ki plate me or Anita ko paper ki plate me khana, aisa kyu kiya dadi ne Anita ke saath mein us time kuch nhi boli kyuki dadi ke gusse ka dar laga , Main bas chup chap bethe Anita ko dekh rehi thi. Sabne khana kha liya tha aur apne apne Ghar ja rehi thi .
Tabhi mene dekha ki sabki plate to dadi utha rehi h lekin Anita apni uthane lagi .mene turant usko roka or pucha tum ye kyu kr rehi ho ...? Maine dhire se kaha ye to dadi maa utha rehi h tum kyu utha rehi ho is plate ko rekh do isko wapas .
Tab usne bahut masumiyat se mujhe se wo baat kahi jo mere dil ko choon gyi . Usne kaha ki ' Jab me kisi ke Ghar jati hoon to unki pasand ka hi krti hoon ' , itna kehkar usne apni plate ko khud dustbin me daal ke ghar chali gyi .
Main vehi khadi hokar sochne lagi ki usne aise kyu kiya aur uski baaton me itna dard kyu tha...?
"Uske baad dadi ne jo dadi ne kiya usne mujhe aur bhi hairan kar diya.....