Us raat main bahut der tak so nahi paayi. Mere dimaag me baar-baar wahi words ghoom rahe the-
"Congratulations... tumhari journey ab start hone wali hai."
Ye koi normal call nahi lag raha tha. Kisi unknown person ko meri life ke baare me kaise pata ho sakta hai?
Subah uthte hi maine sabse pehle apna phone uthaya aur kal raat wale unknown number ko dobara call karne ki koshish ki. Lekin jaise hi maine dial kiya, screen par ek ajeeb sa message aaya-
"This number does not exist."
Mujhe thoda dar bhi laga aur curiosity bhi. Maine socha shayad kisi ne mazak kiya ho. Lekin phir mujhe yaad aaya... diary.
Main turant apne room me gayi aur diary fir se kholi. Is baar maine dhyan se har page dekhna shuru kiya. Kuch pages par sirf random lines thi, kuch bilkul blank the... jaise kisi jaan-bujhkar kuch chhupaya ho.
Jab main last page tak pahunchi, tab mujhe ek chhota sa folded paper diary ke andar se gira hua mila.
Ye paper maine pehle kabhi nahi dekha tha.
Mere haath thode kaanp rahe the jab maine dheere se us paper ko khola. Usme sirf ek line likhi thi-Kal shaam 5 baje... old railway station par aana. Agar tum sach jaana chahti ho."
Mere dimaag me ek hi sawaal ghoom raha tha-Ye sab kaun kar raha hai?
Old railway station ka naam sunte hi mujhe bachpan ki ek baat yaad aayi. Log kehte the ki wo station saalon se band hai... aur waha koi nahi jaata.
Phir bhi mere andar ek ajeeb si feeling thi. Jaise koi mujhe waha bulana chahta ho... kisi wajah se.
Shaam tak main isi baare me sochti rahi.
Finally maine decide kiya-Lekin mujhe bilkul nahi pata tha...
waha meri life ka sabse bada secret mera intezaar kar raha hoga.
To be continued...