Wo Din Jo Sab Badal Gaya
Kabhi-kabhi zindagi me kuch rishte bina kisi naam ke hi sabse gehre ho jaate hain…
Hum dono bhi aise hi the.
Na koi wada, na koi label…
Phir bhi ek dusre ke bina sab kuch adhura lagta tha.
Shuruat bas chhoti si baaton se hui thi—
Thode messages, thodi hasi, thoda sa waqt…
Aur pata hi nahi chala kab wo meri aadat ban gaya.
Har din usse baat karna… jaise saans lene jaisa zaroori ho gaya tha.
Lekin ek din…
Sab kuch toot gaya.
Maa ne mujhe us chhote phone se message karte hue dekh liya.
Unki aankhon me gussa tha… aur mere dil me darr.
"Yeh kya kar rahi ho tum?"
Unki awaaz tez hoti gayi… aur agle hi pal—
Thappad.
Ek zor ka thappad mere gaal par pada…
Par usse zyada dard mere dil ko hua.
Us pal mujhe laga… jaise meri poori duniya hi khatam ho gayi ho.
Us din ke baad…
Maa ki nazar har waqt mujh par rehne lagi.
Main usse baat karna to door… uska naam bhi nahi le paati thi.
Main toot chuki thi.
Raat ko chup-chup ke roti…
Din bhar bas khoyi rehti…
Par dil me ek hi khwahish thi—
Bas ek baar usse dekh loon…
Tab maine ek faisla liya.
Main school jaana shuru kar di.
Haan, wahi school jahan main pehle kabhi nahi jaana chahti thi.
Ab har subah main taiyaar hoti…
Bas is umeed me…
Shayad aaj wo mil jaaye…
Aur phir…
Ek din…
Wo sach me aa gaya.
Main class me baithi thi… teacher padha rahe the…
Par meri nazar bas darwaze par thi.
Aur tabhi…
Maine use dekha.
Wo wahin khada tha… mujhe dekh raha tha.
Mere chehre par itni badi smile aa gayi… jaise meri saari udaasi ek pal me khatam ho gayi ho.
Usne halka sa ishara kiya…
Main samajh gayi.
Main chupke se class se bahar nikli… aur uske paas chali gayi.
"Mujhe tumse baat karni hai…" maine dheere se kaha.
Aur phir…
Maine use sab kuch bata diya.
Maa ka gussa… thappad… darr… sab kuch.
Meri aankhon me aansu the… par awaaz me bas ek hi baat—
"Main school aati hoon… tum bhi aa jaya karo na…
Din me ek baar bhi tumhe dekh loon… to dil ko sukoon mil jata hai…"
Wo kuch pal chup raha…
Phir achanak…
Usne mera haath pakda.
Zor se.
Aur apni taraf kheench liya.
Mera dil itni tez dhadak raha tha… jaise bahar aa jayega.
Main sharma gayi…
Aur bina kuch kahe wapas bhaag gayi.
Us din ke baad…
Wo roz aane laga.
Aur main bhi…
Ab school mera favourite jagah ban gaya tha.
Lunch time… mera favourite waqt.
Kyuki wo aata…
Aur main use dekh kar bas muskura deti.
Hum baat karte… haste…
Aur ghar jaate waqt…
Wo mere peeche-peeche aata.
Raaste bhar baatein…
Chhoti si duniya thi… sirf hum dono ki.
Par…
Duniya ko ye khushi pasand nahi aayi.
Gaon ke log hume dekh lete…
Aur baatein banana shuru kar dete.
"Dekha tumne?"
"Roz milte hain dono…"
Aur phir…
Wo baatein maa tak pahunch gayi.
"Mujhe sab pata hai!"
Maa ne gusse me kaha.
"Ab tum school nahi jaogi!"
Mera dil fir se toot gaya.
"Maa please… ab baat nahi karungi usse… bas school jaane do…"
Maine haath jod kar kaha.
Bahut mushkil se…
Maa maan gayi.
Par ab sab kuch badal chuka tha.
Raste me baat karna band…
Sirf school me hi milna.
Par wo bhi zyada din nahi chala.
Teachers ne mujhe rok liya.
"Kaun hai wo ladka?"
"Kyun baat karti ho usse?"
Aur phir…
Use school aane se mana kar diya gaya.
Wo wahan ka student nahi tha.
Aur us din ke baad…
Wo aana band ho gaya.
Main phir se akeli ho gayi.
Din bhar bas uski yaadon me khoi rehti…
Aur raat ko chup-chup ke roti.
Phir ek din…
Mujhe phone mila.
Uska message tha—
"Meri dukan ke paas ek coaching hai… wahan aa jana…"
Maine turant reply kiya—
"Main aungi… par akeli nahi… tum lene aana…"
Agle din…
Main subah jaldi uth kar ready ho gayi.
Dil me excitement… aankhon me umeed.
Par jab main wahan pahunchi…
Wo nahi tha.
Mera dil halka sa toot gaya.
Maine paas khade ek uncle se phone liya… aur use call kiya.
Wo abhi bhi so raha tha.
Par meri awaaz sunte hi…
Wo aa gaya.
Aur mujhe coaching le gaya.
Wahan kisi ne pucha—
"Ye ladki kaun hai?"
Kisi ne jawab diya—
"Iski behen hogi Mera khoon khol utha.
Par maine kuch nahi kaha.
Main bas chup rahi.
Usne mujhe wahan chhod diya…
Aur chala gaya.
Par ab…
Ye roz ka routine ban gaya.
Subah wo mujhe milta…
Kabhi meri cycle pe baith jata…
Aur hum baat karte hue coaching jaate.
Main bas uske saath rehna chahti thi…
Aur wo pal… meri sabse badi khushi the.
Par tab tak…
Sabko hamare baare me pata chal gaya tha.
Har koi hume judge karta…
Har koi hume rokna chahta tha.
Har waqt darr lagta tha…
Kahin koi dekh na le…
Aur uski ek buri aadat—
Wo bahut sota tha.
Hamesha late uthta.
Main gussa hoti…
"Ek baar time pe uth jao na!"
Wo haste hue kehta—
"Kal pakka…"
Par kal kabhi nahi aata.
Phir bhi…
Main use chhod nahi paayi.
Kyuki main usse pyaar karti thi.
Sach wala.
Gehra wala.
Aur phir…
Ek din…
Subah-subah…
Usne mujhe apni dukan ke andar bulaya.
Mera dil zor se dhadak raha tha.
Main dheere se andar gayi…
Aur achanak—
Usne mujhe zor se hug kar liya.
Meri saanse ruk gayi…
Uski baahon me ek ajeeb sa sukoon tha.
Phir usne mujhe god me utha liya…
Aur aur bhi paas kar liya.
Maine aankhen band kar li…
Aur bas us pal ko mehsoos karti rahi.
Us din…
Main sabse zyada khush thi.
Mujhe laga…
Ab kuch bhi galat nahi hoga.
Sab theek ho jayega.
Par..."