Meri Na Pasand (What I Don't Like)
Ek din Facebook par ek friend ne mujhse puchha, "Tumhari profile mein ek bhi photo ya video kyun nahi hai?"
Maine usse shaant se jawab diya, "Main apne baare mein kuch bhi galat sun nahi sakti."
Woh thoda hairaan hokar bola, "Maine to tumhare baare mein kuch galat nahi kaha."
Tab maine use samjhaya, "Maine bahut logon ke photos aur videos ke neeche comments padhe hain. Kuch log achhe comments karte hain, lekin kuch log bina soche samjhe galat baatein bhi likh dete hain. Isi wajah se main apni photos aur videos share nahi karti. Agar kisi ne mere baare mein galat comment kar diya, to mujhe bura lagega."
Maine aage kaha, "Aur jab log kisi ki photo ya video dekhte hain, to kai baar bina wajah messages aur calls bhi karne lagte hain. Mujhe yeh bilkul pasand nahi hai."
Meri baat sunkar mere friend ne kaha, "Tum bilkul sahi ho. Yeh tumhara personal choice hai, aur tumhein waise hi rehna chahiye jaise tum comfortable ho."
Moral:
Har insaan ko apni privacy aur comfort ke hisaab se decisions lene ka poora haq hota hai.