Zindagi mein har insaan se kabhi na kabhi galti hoti hai. Galti karna ek natural baat hai, lekin usse seekhna sabse important hota hai. Agar hum apni galtiyon ko samajh kar unhe sudhaar lete hain, to wahi galti humein aage badhne mein madad karti hai.
Ek baar maine apni padhai ko halka samjha aur exam ki taiyari theek se nahi ki. Mujhe laga ki main bina mehnat ke pass ho jaunga. Lekin jab result aaya, to mere marks bahut kam the. Us din mujhe apni galti ka ehsaas hua. Maine samjha ki bina mehnat ke safalta milna mushkil hai.
Uske baad maine apni galti ko sudhaarne ka faisla kiya. Maine regular padhai shuru ki, time table banaya aur dhyaan se padhne laga. Dheere-dheere meri performance improve hone lagi aur agle exam mein maine achhe marks laaye.
Is anubhav ne mujhe sikhaya ki galtiyaan humein behtar banati hain, bas zaroori hai ki hum unhe accept karein aur unse seekhein. Galtiyon se darna nahi chahiye, balki unhe ek seekh ke roop mein lena chahiye.
Student Life me aisi bahot saari problem ka saamna karna padta hai par main ek chij kehna chahunga dost padhai wo chij Jo jitna piyega wo itna dahadega. Aise aapko bahot log mil jayenge jo motivational speech se ya personal condition ki baatein karke padhai me man lagane ki baatein krenge par mere dost isse aapko 4 din ya jyada se jyada 1 hafte tak hi josh rahega par usi padhai me aapne consistency aur discipline de diya to ye tay hai aap kisi na kisi exam phod denge.
(Sad Part )
Par ek din meri zindagi me aisa mod aaya ki main use ubhar nahi paya, wo galti meri zindagi ki wo sabse badi galti thi jisse mera pura parivar sharminda hogya l, mere college ke log mujhe criminal ke roop me dekhne lage, mere neighbour log mujhse nazare nahi milaate the.
Ye baat hai 1 saal pahle ki jab main B.sc ke last year me tha aur maine pura college top kiya tha par usi din wo sunami mera intezar kar rahi thi jiska mujhe andaza bhi nahi tha.
Meri college life me na to koi girlfriend thi aur naahi koi ladkiyo me dost, ham chaar dost the jo apne me mast rahte the.
Par mere college ke aakhiri din aisi ghatna ghati jise mujhe dur dur tak andaza nahi tha.
(Saddest Part)
Usi college mein meri behan padhti thi jo ki apna second year complete kar rahi thi par mujhe pata chala ki use koi ladka pareshaan karta hai , Meri behan ne mujhse ye saari baatein batayi aur boli wo mujhe hamesha gandi nazar se dekhta hai aur ek din to us kutte ne had paar kar di, main apne class ja hi rahi thi tab usne mera hath pakad liya, phir maine apni behan se kaha tum jao aur apna class attend karo aur wo ladka tumhe Aaj ke baad pareshaan nahi karega.
Meri behan boli thik hai bhaiya par aap please jhagda mat karna , Maine kaha tu bilkul fikr mat kar tu apni padhai pe dhyaan de aur apni padhai puri kar.
Phir baad me wo apni class attend karne chali gayi aur main apne mission pe.
Mujhe itna gussa tha ki main use jaan se marne ke baare me sochne laga.
Main us ladke ko pure class me ek bhediye ki tarah dhundhne laga tabhi wo mujhe ground me mila ye mera college ka akhiri din tha to mujhe kuch aisa karna tha ki main agar college mein naa bhi rahu tab bhi meri behan ko koi pareshaan ya badtameezi na kar paaye.
Aur us din mere se wo galti ho gyi ya phir kahe jaan bujhkar maine wo kiya.
Aage ke kahani next part mein
PART 2 LOADING...