Ek aam sa din mere school ke ander me akeli tanha baithi or window ke bahar dekh rahi thi Mausam barish jaisa bana hua, Ek tez hawa window se aati or mere baal jhum uthte, teacher ke lectures ko nazar andaaz karte huye me apne khayalo me khoyi ek ache sapne bun rahi thi vo sapna kya hai aage pata chalega.
Hello mera naam hai reviva ek asi ladki jo tanhaio se ghiri huyi hai school ke banch par baithi na koi dost na koi support ek asi ladki jo apni feeling kisiko nahi batati, roj marra ki tarah school se nikalti hai sub students apne apne dosto ke sath Ghar jaate huye koi umbrella share kar raha koi Masti kar raha, dekhte dekhte school khali ho gaya.
Mere pas umbrella nahi tha isliye me ek diwar ka sahara lete huye ek kone me tik gayi jaha se sirf ek patli lambi sadak muje barsat ki dhudh me halki se nazar aa rahi thi, or khudse ye kahti huyi " hoopss me umbrella laana bhul gayi" ughhh
Barsat dekhkar lag raha tha ye ghanto tak nahi rukegi , halaki muje isse koi fark nahi padh raha tha kyuki me ek asi school girl child hu jiske mata or pita bhi sahayak nahi hai or to or unhe nahi fark padta me Ghar aau ya nahi isliye me itminan se barsat ke thahar Jane ka intezaar karne lagi.
Kuch der baad dur se nazar aayi muje ek chamchamati Badi or luxurious car jo badi tezi se meri taraf aayi or mujhpar pani ke chite udayi or nikal gayi.
In sub me apka reaction hoga ki me chillaungj datungi ya sikayat karungi magar me ekdum chup or shant thi jaise kuch hua hi na ho ase isliye kyuki shayad muje dard sahne ki adat si padh gayi thi.
Jab me apne kapde thode saaf karke sadak ki oor dekhi vo car mujse 20 m ki duri par ab bhi khadi thi.
Dil ki dhakan to tab tez huyi jab vo car reverse hokar meri taraf aayi " ekdum kali car shisha bhi ekdum adhere jaisa usme baitha insan muje nazar nahi aaya ,ekdum se usne car ki window open ki or ek haath badhaya ek awaaz ke saath " ME APKO GHAR CHODH DU???" Mene note ki usne kaafi mahangi ghadi pahani huyi thi sath me blue blazer jisme usne ander white shirt pahna tha vo kahi ka businessman lag raha tha,
Mene sirf na me sir hilate huye na kaha
Usne fir kaha "DEKHO BARSAT BOHAT HAI IS WAKT TUMHARA YAHA RUKNA KHATRA HAI " mere liye ajtak itni humdardi kisine nahi jataya kyuki me bilkul bhi expressive nahi hu,mene jorse kaha "NAHIII".
Car me kaafi andhera tha barsat ki bunde or adhera sa chhaya hua badal me kuch bhi saaf nazar nahi aa raha tha, usne bina der kiye car ki door open Kiya or Mera hath pakad kar khich liya me is bar jorse chillayi " BACHAOO" jada Darke Karan me vahi car me behosh ho gayi..... Ek patli lambi sadak jaha dur dur tak ek bhi gaadi nahi ek insan nahi adhera sa ye jahan andhiyo me jhumte huye sadak ke kinaro ke ped or tej bijli ki gunj ne mere awaaz ko or daba diye the..... Us jagah se me ase gum ho gayi jaise ab vapas aane ka koi rasta na ho
Darke achanak aakh khuli or chikh nikli "MUMMY" haath pair sharir me ek kampan jaisi ho gayi thi , me jaha thi vo ek aam sa Ghar tha ekdum sunsaan jagah par, kuch minto tak me bistar se uthi nahi thodi der baad ek pair jamin par rakhi or room ko yaha vaha apni ghabrayi aakho se dekhne lagi vaha 4 darwaze the kamra lakdi ka bana tha sealing or diware bhi lakdi ki thi.
Ek tejjj kadmo ki aahat huyi muje, me bhagti huyi apne bed ki taraf gayi or sone ka natak karne lagi...
Firrrr mene jo dekhaaa....
To be continue....💝