Maine life mein bahot si naadaniya ki subse badi naadaniya meri ishq ke maamle mein rahi .sucche logon par yakin na karke Maine humesa galat logon ko hi choose Kiya
Sayed chehra padhna mujhe kabhi aaya hi nahi jis par bhi yakin kiya woh log yakin ke layak the hi nahi aur jinpar yakin nahi kiya jinhe pasand nahi kiya woh log hi sucche nikle kuch kismat ki meherbani kuch meri nasamjhi kuch bhi kaha ja sakta hai .
Dheere dheere mujhe Aisa lagne laga is duniya mein kisi par yakin nahi kiya ja sakta aur bahot hadd tak yahi succhai bhi hai .lakin pyar naam ki bhi chiz hoti hai jahan do anjaan log ek dusre se bandh jaate hai maano janmo ka rista ho to ye sub tabhi possible hota hai jab pyar dono taraf se ho .
Agar ek insaan succhai ke saath rista nibha raha ho aur dusra saksh dil mein dhoke ki bhawna rakh kar rista rakh Raha ho to us pyar ka koi future nahi hota waha sirf dard yaadein aur taklif raih jaati hai bus .
Kabhi kabhi insaan ko choose karne mein bahot waqt lagta hai aur kabhi kabhi log andhere mein bhi choose kar jaate hai .Sayed wahi thik bhi hota hai jab hum ishwar par sub kuch chhor kar unki marzi Maan kar koi faisla le lete hai woh acha hota hai lakin jab hum zidd mein hote hai to humare hisse sirf aur sirf intezar aata hai .
Mujhe bhi yahi lagta tha mera zidd hi sub kuch hai mujhe bahot se perposal mille lakin Maine accept hi nahi kiya q ki mujhe lagta tha jise main pasand hi nahi karti uski parposal accept q karu .
Aur bahot se logon ke saath aisa hota bhi hai hum sirf apne baare mein sochte hai apni pasand apna sukh dusron ko kitni taklif pahochi humari baaton se iska humse koi lena dena hi nahi hota .
Maine bhi yahi Kiya Aaj se 5 saal pahle ki baat hai jab maine Facebook chalana start hi Kiya tha . Kuch din chalane ke baad ek freind request aaya mujhe depak naam se profil achi lagi to Maine accept bhi kar liya .
Fir waha se MSG aana suru hua lakin kuch dino tak maine koi reply nahi Kiya fir ek din achanak maine reply Kiya fir baat karke acha laga to Maine dosti kar li .
Lakin Maine sirf dosti ki aur usne pyar ki shuruwat samjhi kuch dino tak humne baat ki aur ek din achanak usne apne dil ki baat kahi di lakin main uske dil ka baat samjh nahi paai aur gusse mein use block kar diya .
Lakin mujhe Aisa nahi karna chahiye tha mujhe samjhna chahiye tha use samjhana chahiye tha bhale mere dil mein uske liye kuch nahi tha aur ho sakta tha kabhi hota bhi nahi lakin main agar use samjhti to uska taklif thora kam kar sakti thi .lakin mujhse bahot badi galti ho gaye aur uska regret mujhe aaj tak hai . Uski shaadi ho gai aur ek pyara sa beta bhi hai woh apni life mein aage badh chuka hai lakin meri wazah se jo usko taklif mila use woh kabhi bhul nahi payega.
Aur yahi meri taklif badhata hai .
Main jise pasand karti thi usne mujhe dhoka diya pyar ke hazaro waade kar ke mujhe muh aise mod liya jaise mujhe kabhi janta hi na ho .mujhe realise hua meri galti sayed mujhe mere karmo ka fall mila . Meri wazah se kisi ko taklif mili isiliye kisi aur ki wazah se mere hisse bhi taklif hi aai .
Sayed Maine galat insaan choose kar liya tha apne liye isiliye mere saath aisa hua .
Kabhi kabhi hum kisi chiz ko ya insaan ko sirf isiliye cchor dete hai .
Q ki humne lagta hai hum isse acha paa sakte hai . Lakin yahi ho jati hai humse galtiya isiliye kaihte hai pyar usse karo jo tumse pyar karta ho usse nahi jisse tum pyar karte ho . Q ki jisse hum pyar karte hai uski saari kamiyo ko hum nazarandaz karke use apna lete hai .
Aur return mein humme kya milta hai sirf dhoka aur jo hummse chahte hai wo humare liye sub kuch karte hai jarurat se jyada .
Fir meri life ek aur galti hui mujhe.