Prologue: God's Mistake
Purv ki dharti par, jahan pahad devtaon ki haddiyon se bane the, jahan ki nadiyon mein laal paani behta tha. Ek purani kahani thi. Jahan hazar saal tak yudhh karne ke baad bhi asuron ki sankhya anginat thi vahin devtaon ne us yudhh se thak chuke the aur unhone apne vishram ke liye ek jagah banai jiska naam unhone purv rakha. Salon baad jab asur bhi us jagah aane lage tab devtaon ne jaate jaate ek bhavishyavaani ki. Jab iron aur steel ka yug ayega tab rakt se naye singhasan janm lenge.
Sheep Stealers ve bhatke hue yodhha jo lohe ki talvaron se steals ke rajyon ko todte the. Us bhavishyavaani ke jivit praman the. Ve sirf lutere nahi the, ve khoi hui virasat ke vaaris the jinke purvaj us yudhh mein haar gye the. Unke neta, ek boodha jaadugar kehta hai devtaon ne hume dhokha diya tha unhone humari shaktiyan dhokhe se chhin li thi aur hume bhatakne ke liye chhod diya.
Lekin aaj ek andheri raat mein jab vah boodha jaadugar apni antim sans lene ka intezar kar rha tha. Paas mein baithe agle uttaradhikari se bola rajya aayenge aur jaayenge par rakt kabhi nahi rukega. Iron raaj banayega, par uska mol Pidhiyon ka khoon hoga, uska sharir dheere dheere apni aakhri sansen lekar galne lag jaata hai aur mitti mein mil jaata hai.