last seen online

Neelam ko hamesha se raat ka time pasand tha. Din bhar ghar ke kaam, tuition pdhana , padhai… sab ke baad jab raat hoti, to usse lagta jaise duniya thodi slow ho gayi ho. Us waqt woh apna phone uthati aur chup-chaap apni favourite stories padhti.Ek din, usne ek naya app download kiya — bas timepass ke liye.Shuru me sab normal tha. Usne kuch random stories read ki, kuch interesting lagi, kuch boring. Phir ek raat, usse ek story dikhi — "Don't Open At 2:17 AM".Title hi itna ajeeb tha ki usne turant click kar diya.Story start hui ek ladki se… jo bilkul Neelam jaisi thi. Same age, same routine, same habit — raat me phone use karna. Neelam ko thoda ajeeb laga, but usne socha coincidence hoga.Jaise-jaise woh aage padhti gayi, uska dil tez dhadakne laga.Story me likha tha:"Aaj raat 2:17 pe uske phone par ek unknown notification aayega. Agar usne usse open kiya… to sab kuch badal jayega."Neelam ne halka sa hansi me uda diya. "Kya bakwaas hai," usne socha. Lekin fir bhi usne time dekha — 1:52 AM."Chalo dekhte hain kya hota hai," usne phone side me rakha aur wait karne lagi.2:10…2:12…2:15…Uska dil ab sach me thoda nervous ho raha tha.2:17.TING.Phone vibrate hua.Neelam ka haath ek second ke liye freeze ho gaya.Screen par ek notification blink kar raha tha:"You are being watched."Uska gala sookh gaya."Yeh… yeh mazaak hai kya?" usne dheere se bola.Usne turant notification open kiya.Ek blank screen thi. Sirf ek line likhi thi:"You shouldn't have opened it."Room me ek ajeeb sa sannata chha gaya.Neelam ne turant app band kiya aur phone lock kar diya. "Bas, ab aur nahi," usne apne aap se kaha. Usne light off ki aur so gayi.Next morning.Sab kuch normal lag raha tha. Maa kitchen me thi, ghar me usual awaaz aa rahi thi. Neelam ne relief ki saans li."Kal raat bas overthinking thi," usne khud ko samjhaya.Lekin jab usne phone uthaya…Gallery open thi.Aur usme ek nayi photo add hui thi.Neelam ka dil ruk sa gaya.Photo me woh khud thi.Sote hue.Aur angle aisa tha jaise kisi ne uske room ke kone se photo li ho.Usne turant peeche mudkar dekha. Room bilkul normal tha. Koi nahi.Usne darr ke maare phone band kar diya."Yeh possible nahi hai… main to akeli thi," usne socha.Us din se Neelam ka behavior change hone laga. Woh har waqt alert rehti. Room check karti, windows lock karti, door band karti.Par har raat… kuch na kuch ajeeb hota.Kabhi phone apne aap on ho jata.Kabhi unknown messages aate:"I can see you.""Why are you scared?""You opened it."Neelam ne app uninstall kar diya.Lekin messages band nahi hue.Ek raat, usne himmat karke reply kiya:"Tum kaun ho?"Kuch seconds ke baad reply aaya:"Turn around."Neelam ka body bilkul freeze ho gaya.Woh dheere-dheere peeche mudne lagi…Lekin usne last moment pe apni aankhen band kar li."Yeh sab dimaag ka khel hai… yeh real nahi hai…" woh baar-baar repeat kar rahi thi.Usne decide kiya — ab woh phone use nahi karegi raat me.Kuch din sab normal raha.Neelam ne almost believe kar liya ki sab khatam ho gaya.Phir ek din…Uski best friend Riya uske ghar aayi."Tu itni weird kyu behave kar rahi hai aajkal?" Riya ne poocha.Neelam ne pehle ignore kiya, phir sab sach bata diya.Riya hansne lagi. "Pagal hai kya? Yeh sab horror stories ka effect hai.""Main serious hoon," Neelam ne dheere se kaha.Riya ne uska phone uthaya. "Chal, dekhte hain kaun hai yeh hacker."Usne phone unlock kiya…Aur suddenly uska face serious ho gaya."Neelam… yeh dekh."Screen par ek live video open tha.Camera ON tha.Aur usme Neelam aur Riya dono dikh rahe the.Lekin angle… front camera ka nahi tha.Jaise koi unhe door se dekh raha ho.Riya ka haath kaanpne laga. "Yeh… yeh kaise possible hai?"Tabhi ek message aaya:"Nice, now there are two."Room me thand si fail gayi.Riya ne turant phone pheka. "Yeh normal nahi hai. Police ko batate hain."Neelam ne sir hilaya. "Nahi… mujhe lagta hai agar humne kisi ko bataya, to yeh aur badh jayega.""Tu serious hai?" Riya gusse me boli.Lekin uski baat complete hone se pehle…Lights blink karne lagi.Aur phir…Lights off.Room pura andhera.Dono chup.Sirf unki saanse sunai de rahi thi.Phir dheere se…kisi ke chalne ki awaaz aayi.Room ke andar.Riya ne Neelam ka haath tight pakad liya."Yeh… yeh ghar me koi hai…" Riya ne fuskara.Neelam ki aankhon me aansu aa gaye.Usne himmat karke phone uthaya aur flashlight ON ki.Light jaise hi on hui…Room bilkul empty tha.Koi nahi.Dono ne ek dusre ko dekha — confused aur darr ke saath.Tabhi phone me ek last message aaya:"I'm not inside your house."Ek second ke liye silence.Phir next message:"I'm inside your phone."Neelam ke haath se phone gir gaya.Screen ab bhi ON thi.Aur usme ek black screen par dheere-dheere ek shadow form ho rahi thi…Jaise koi screen ke andar se bahar aane ki koshish kar raha ho.Riya chillayi, "Phone band kar!"Neelam ne turant power button dabaya.Screen off.Sab kuch silent.Next morning…Riya gayab thi.Uska phone switched off.Ghar walon ne kaha — "Kal to woh aayi hi nahi thi."Neelam ke haath kaanpne lage."Par… woh to mere saath thi…"Usne apna phone uthaya.Screen ON ki.Gallery open hui.Ek nayi video file thi.Usne play ki.Video me Neelam apne room me akeli baithi thi… kal raat.Aur camera ke peeche se ek awaaz aayi:"She didn't listen either."Video suddenly end ho gaya.Neelam ka dil zor se dhadak raha tha.Usne slowly ap