Meri zindagi ke samjhote
Main jab 18 saal ki hui mujhe arts me apni study karni thi par mere parents ne mujhe science ke liye force kiya. Mere parents ka manna tha ki science ke field me job ke jyada chances hai. Aur mujhe apne parents ki khushi ke liye aage science se apni study karni padi.
Ab baat aati hai meri college life ki mujhe college me ek ladka mila jiska naam jay tha usko mujh par crush tha vo mera senior tha aur ek din jay ne mujhe finally propose kar diya aur maine ha kar di. Ab hum ek dusre ko date karne lage, lekin ab hum shadi karna chahte the but family ke bina shadi possible nhi thi aur ab hume apne apne parents apne rishte ke bare me btana tha, jo ki mere liye bahut mushkil tha kyuki hum dono alag alag caste ke the aur mere parents bahut hi conservative the vo meri shadi apni hi caste me karvana chahte the kyuki jay ka pura naam jay singh tha aur main gupta. Bas ab yahi nhi samajh me aa rha tha ki main apni family se shadi ke liye kaise baat karu aur unhe jay ke bare me kaise btau but maine himmat karke ek din apne parents ko jay ke bare me bta diya aur uske baad jo hua vo maine kabhi sapne me bhi nhi socha tha.