Navya Sharma ki aankhon me gussa tha… aur haathon me court ka paper.
"Papa ko kuch nahi hoga," usne khud se kaha.
Lekin andar se wo tut rahi thi.
Court ke bahar log baatein kar rahe the—
"Sharma ji toh pakde gaye… Malhotra family ne case strong kar diya hai."
"Malhotra ka beta Aarav… uske against koi jeet hi nahi sakta."
Navya ne naam sunte hi apni fist tight kar li.
Aarav Malhotra.
Jis wajah se aaj uska ghar ro raha tha.
Wahi moment me black car aake rukti hai.
Car se ek tall handsome ladka nikalta hai—black suit, cold eyes.Aarav.
Usne ek baar bhi court ko nahi dekha… seedha Navya ki taraf dekha.
Jaise wo already jaanta ho ki Navya kya soch rahi hai.
Navya gusse se uske paas gayi.
"Tumne mere papa ko fasaya!" Navya ki awaaz tremble kar rahi thi.
Aarav ne bas ek smirk diya.
"Proof hai?" uski voice calm thi, but sharplike knife.
Navya ne uske collar ko pakad liya.
"Main tumhe barbaad kar dungi Aarav Malhotra."
Aarav ne slowly Navya ka haath hataya… aur uske ear ke paas jhuk kar bola—
"Barbaad toh tum khud ho jaogi… agar tumne mujhe challenge kiya."
Navya ki aankhon me tears aa gaye but usne blink nahi kiya.
Aarav apni car ki taraf mud gaya.
Lekin jaate jaate ruk kar bola—
"Waise… mujhe ek wife chahiye."
Navya shock.
Aarav ne turn karke usko dekha—
"Contract marriage.
Mere terms pe.Aur tumhare papa ka case… main withdraw kar dunga."
Navya ka dimag sunn ho gaya.
Ye deal thi… ya trap?
Aarav ne bas itna kaha—
"Kal shaam tak answer chahiye, Navya Sharma."
Car door band hua.
Aur Navya wahi khadi reh gayi…
Kyuki uske paas choice nahi thi.🙃