Part.1. Ek Unknown Message
Kabhi kabhi life me kuch cheezein itni choti hoti h ki us waqt unki importance samaj me hi nahi aati. Ek simple sa message, ek random si baat, ya kisi unknown insaan se hui ek choti si conversation.... lekin wahi choti si cheez kabhi- kabhi life ka sabse bada turning point ban jati hai.
Meri life me bhi kuch esa hi hua tha.
Us waqt mujhe bilkul bhi idea nhi tha ki ek chota sa decision meri life ki sabse badi mistake ban jayega.
Mera naam Lokesh hai. Main ak normal sa ladka hoon, jiske sapne bhi normal hain or problems bhi normal. Meri life me koi bada drama nahi tha. Subha uthna, phone chalana, thodi padhai karna, doston ke sath time spend karna or raat ko late tk online rehna ... Bas yahi meri routine thi.
Sach kahun to meri life thodi boring si ho chuki thi.
Kabhi kabhi lagta tha ki Life mein kuchh exciting hona chahiye. kuch esa jo daily routine ko thoda exciting bna de.
Lekin mujhe nahi pata tha ki jaldi hi meri life me ek aisa insaan aane wala hai jo sab kuch change kar dega.
Wo raat bhi bilkul normal thi.
Clock me lagbhag 11:30 baj rahe the. Main apne bed par lete hue phone scroll kar raha tha. Instagram, WhatsApp, Telegram… sab check kar chuka tha. Reels dekhte-dekhte mujhe boredom hone laga tha.
Tabhi phone me ek notification aaya.
Ek message.
Normally mujhe itni raat ko messages kam hi aate the, isliye maine curiosity me notification open kar liya.
Message kisi unknown number se tha.
Aur usme sirf ek word likha tha.
"Hi."
Main kuch seconds tak screen ko dekhta raha.
Mere dimaag me ek hi sawal chal raha tha — kaun ho sakta hai?
Main usually unknown messages ignore kar deta tha. Lekin pata nahi kyun us din maine reply karne ka decide kiya.
Shayad boredom ki wajah se.
Ya shayad kismat ki wajah se.
Maine type kiya, "Hello."
Message send karne ke baad main phone side me rakh kar phir se reels dekhne laga. Mujhe laga shayad ab reply nahi aayega.
Lekin kuch hi seconds baad phone phir se vibrate hua.
Uska reply aaya tha.
"Kaise ho?"
Baat simple thi, lekin pata nahi kyun us message ko dekhkar mujhe thoda sa interesting feel hua.
Maine reply kiya, "Theek hu… aap?"
Thodi der baad uska message aaya.
"Main bhi theek hu."
Phir kuch seconds tak dono side se koi message nahi aaya.
Sach kahu to mujhe samajh nahi aa raha tha ki ab kya baat karu. Unknown insaan se conversation start karna thoda awkward hota hai.
Lekin phir usne hi next message bhej diya.
"Disturb to nahi kiya na?"
Maine turant reply kiya, "Nahi… bilkul nahi."
Uske baad thodi normal si baat start hui.
Naam kya hai, kaha se ho, kya karte ho… waise hi basic introduction.
Usne apna naam bataya.
Pata nahi kyun… uska naam sunte hi mujhe ajeeb sa feel hua. Jaise us naam me kuch alag hi baat ho.
Shayad bas mera imagination tha.
Ya shayad kuch aur.
Us raat hamari baat zyada der tak nahi chali.
Lagbhag aadha ghanta chat karne ke baad usne message bheja—
"Chalo ab main so rahi hu."
Phir ek aur message aaya.
"Good night."
Maine bhi reply kiya, "Good night."
Uske baad chat khatam ho gayi.
Lekin pata nahi kyun uske offline hone ke baad bhi main kaafi der tak phone ko dekhta raha.
Mujhe lag raha tha jaise meri boring life me kuch naya start hua hai.
Agla din normal hi tha.
Subah uthkar main apna kaam karne laga. Sab kuch waise hi chal raha tha jaise har din chalta tha.
Lekin ek cheez alag thi.
Main baar-baar phone check kar raha tha.
Mujhe khud bhi samajh nahi aa raha tha ki main phone itni baar kyun check kar raha hoon.
Shaam ko lagbhag 7 baje phone vibrate hua.
Notification aaya.
Mera heart thoda sa fast beat karne laga.
Message usi ka tha.
"Hi… kya kar rahe ho?"
Us message ko dekhkar mere face par automatically smile aa gayi.
Maine reply kiya, "Kuch khaas nahi… bas free hu.
Us din hamari baat thodi zyada hui.
Phir agle din bhi.
Phir uske agle din bhi.
Dheere-dheere hamari daily chat hone lagi.
Ab ham sirf "hi hello" tak limited nahi the.
Kabhi random jokes share karte, kabhi apni daily life ke baare me baat karte, kabhi-kabhi serious topics par discussion bhi ho jata.
Kabhi-kabhi to raat ke 2-3 baje tak chat chalti rehti.
Aur mujhe yeh sab accha lagne laga tha.
Bahut accha.
Lekin ek cheez thi jo mujhe tab samajh nahi aayi.
Main dheere-dheere us baat-cheet ka aadat ban raha tha.
Agar ek din uska message late aata to mujhe ajeeb lagta.
Agar wo busy hoti to mujhe thoda sa bura lagta.
Us waqt mujhe laga yeh normal hai.
Lekin aaj jab main peeche mudh kar dekhta hoon…
To samajh aata hai ki wahi meri life ki sabse badi mistake ki beginning thi.
Kyuki kabhi-kabhi hum kisi insaan ko itni importance de dete hain…
Jitni shayad hume deni hi nahi chahiye.
Aur phir ek din pata chalta hai ki jise hum apni story ka main character samajh rahe the…
Wo bas ek short chapter tha.
Us waqt mujhe bilkul idea nahi tha ki aage kya hone wala hai.
Mujhe nahi pata tha ki yeh simple si chat ek din meri life ki sabse painful memory ban jayegi.
Aur sabse badi baat…
Mujhe yeh bhi nahi pata tha ki jis insaan se main roz baat kar raha hoon…
Wo ek din meri life ki sabse badi mistake ban jayegi.
To be continued….