Woh din aa hi gaya…
Jis din sab sach ek hi kamre mein khada hone wala tha.
Do parivaar… do soch… aur beech mein hum dono..
Meeting Piyush ke ghar par rakhi gayi thi..
Kashika ke Papa ne seedha keh diya tha—
"Ek baar mil lete hain… phir final decision lenge..
Subah se hi Kashika ka dil tez dhadak raha tha..
Jaise har dhadkan usse yaad dila rahi ho ki aaj sab kuch badalne wala hai.
Maa ne usse simple sa suit pehnaya,
"Seedhi rehna… zyada bolna mat," unhone dheere se kaha,
Kashika ne bas chupchaap sir hila diya..
Uske dil mein toofan tha… par chehre par khamoshi...
Ghar se nikalte waqt Papa ne ek baar use dekha..
Unki aankhon mein gussa bhi tha… aur ek ajeeb si chinta bhi..
Jaise woh apni beti ko samajhna chahte ho… par maan nahi paa rahe ho..
Jab woh Piyush ke ghar pahunche…
Kashika ne use door se hi dekha.
Woh gate par khada tha… bilkul serious..
Par jaise hi unki nazar mili…
Piyush ne halki si smile di..
Ek aisi smile jo keh rahi thi, "Main hoon na।"
Kashika ke dil ko thodi si himmat mili..
Drawing room mein sab baith gaye..
Ek ajeeb si khamoshi thi…
Jaise tufaan aane se pehle ki shaanti..
Piyush ke Papa ne baat shuru ki,
"Toh aap logon ne sab kuch sun liya hoga…"
Kashika ke Papa ne seedha jawab diya—
"Haan… aur honestly, humein yeh sab bilkul pasand nahi aaya. "
Room ka mahaul ekdum tense ho gaya।
Jaise hawa bhi ruk si gayi ho..
Kashika ki Maa ne softly kaha—
"Bachche hain… galti ho jaati hai… par shaadi koi khel nahi hoti."
Piyush turant bol pada..
"Yeh galti nahi hai… yeh decision hai. "
Uske Papa ne usse ghoor kar dekha—
"Tum chup raho jab bade baat kar rahe hain।"
Kashika sab dekh rahi thi…
Har lafz, har reaction uske dil ko chhoo raha tha..
Par iss baar woh chup rehne wali nahi thi..
"Mujhe kuch kehna hai…" usne dheere se kaha..
Sabki nazar us par aa gayi..
"Mujhe pata hai maine galti ki… pehle nahi bataya… par jo feel karti hoon woh jhooth nahi hai," Kashika ne calmly kaha..
Uske Papa thoda tez ho gaye..
"Feelings se ghar nahi chalta!"
Piyush ne turant jawab diya...
"Respect aur trust se chalta hai… aur woh hum dono ke beech hai. "
Uski Maa ne tension mein poocha..
"Par tum dono ek doosre ko kitna jaante ho?"
Kashika ne seedha jawab diya..
"Utna jitna shaadi ke baad log saalon mein bhi nahi jaan paate"
Room mein phir se khamoshi chha gayi..
Sab ek doosre ko dekh rahe the… par koi kuch keh nahi raha tha,
Kashika ke Papa ne ek aur sawaal poocha—
"Tumhari job kya hai? Future plan kya hai?"
Piyush ne bina hichkichahat ke jawab diya..
"Main apni job mein stable hoon… aur agle do saal mein promotion expect kar raha hoon..
Main Kashika ko financially aur emotionally dono tarah se support kar sakta hoon. "
Papa ne halka sa sarcastic tone liya—
"Bohot confidence hai tumhe…"
Piyush ne seedha kaha...
"Kyuki main usse pyaar karta hoon… aur zimmedaari samajhta hoon. "
Uske Papa phir gusse mein bol pade—
"Pyaar pyaar pyaar! Har baat mein pyaar! Society ka kya?"
Iss baar Kashika apne aap ko rok nahi paayi.
"Society humari life nahi jeeti… hum jeete hain…"
Sab ekdum shock ho gaye..
Shayad pehli baar Kashika ne itni strong awaaz mein apni baat rakhi thi..
Uski Maa ne dheere se daanta..
"Zyada bolne ki zarurat nahi hai…"
Par Kashika ab rukne wali nahi thi..
"Maa, main aapki respect karti hoon… par main apni life ka decision lene ka haq bhi rakhti hoon," usne aankhon mein aansu lekar kaha.
Room ka mahaul aur heavy ho gaya।
Tabhi Piyush uth kar Kashika ke paas aa gaya.
"Uncle… aunty… main aapse ladne nahi aaya… bas ek chance maangne aaya hoon," usne respect ke saath kaha.
Kashika ke Papa ne seedha sawaal poocha..
"Chance? Aur agar kal ko problem hui toh?"
Piyush ne bina soche jawab diya..
"Toh main handle karunga… bhaagunga nahi…"
Uske words mein ek sachchai thi…
Jo sabko mehsoos ho rahi thi...
Uski Maa ne dheere se kaha,
"Par beta… rishte sirf do logon ke nahi hote… do families ke hote hain…"
Kashika ne softly kaha..
"Isliye toh hum bhaag nahi rahe… aap sabko saath le kar chalna chahte hain…"
Kuch der tak room mein sirf khamoshi thi.
Jaise sab apne-apne thoughts mein kho gaye ho..
Phir achanak Kashika ke Papa uth khade hue...
"Hum soch ke batayenge," unhone thande tone mein kaha..
Kashika ka dil ekdum se heavy ho gaya।
Yeh na haan thi… na na..
Bas ek beech ka raasta… jo sabse zyada takleef deta hai..
Jab woh wapas ja rahe the…
Kashika ne ek baar peeche mud kar Piyush ko dekha..
Uski aankhon mein ek hi sawaal tha,
"Ab kya hoga?''
Kashika ne halka sa sir hila diya..
Jaise keh rahi ho—"Fight abhi baaki hai…"
Us raat kisi ko neend nahi aayi..
Ek taraf Maa-Papa ka darr…
Dusri taraf Piyush ka vishwas..
Do families…
Do ego…
Aur beech mein ek sachha pyaar..
Kashika apne kamre mein khidki ke paas baithi thi..
Aasmaan ko dekhte hue…
Jaise jawab wahan dhoondh rahi ho.
Uske phone par Piyush ka message aaya..
"Jo bhi ho… main saath hoon. "
Kashika ke honton par halki si muskaan aa gayi...
"Main bhi…" usne reply kiya..
Kahani ab apne sabse intense mod par aa chuki thi..
Ab jo hoga… woh sirf pyaar ki strength par depend karega..
Kya families maan jaayengi?
Kya ego pyaar se bada hoga?
Ya phir sachha pyaar sab jeet lega?
Ek baat pakki thi..
Iss baar Kashika aur Piyush peeche nahi hatne wale the..
Aur shayad…
Yahi unki kahani ka sabse bada imtihaan tha..
Kya dono ke ghar wale, samaj ko piche chod kar enki khusiyo ko apnayege....
Kya enki kahani yahi khatm ho jayegi...
Ya fir ek nyi kahani suru hogi pyar ki....
Lekin ek chij to pta hai ,abb ye dono kisi hal me apne pyar ko harne nhi denge...